اني جنبك .. مهما يكون

اني جنت منتظرة من زمان .. لواحد مثلك يحققلي كل امنياتي ..
انت وياية واني وياك ... ساعدتني وساندتني وجنت وياية بكل لحظة ودقيقة مرت علية ..
واني اشكرك على كل شي سويتة الي وانت تعرف شكد احبك ...
واني رح اسوي نفس الشي وياك ... ورح اخذ بالي عليك واحطك بعيوني واساعدك واساندك .. حتى لو هذا الشي يدلني لمماتي ...
من انت وحدك .. اني يمك ....
اذا تريد احد تحجي وياه .. اني موجودة ...
ماكو داعي تحس وتكون وحيد .. واعرف انك رح تسوي نفس الشي وياية يا حبيب عمري الغالي ...
من تبتسم تضحكلي دنيتي ... من تبجي ابجيلك عيون قبل ماتنزل دمعة من عينك ...
اني تغيرت علمودك ... لاني ردت اكسب اغلى شخص بحياتي .. اني احتاجك كأنت وماريدك تتغير عن اطباعك لاني احب كل شي بيك ... اني انسانة محظوظة لانك بحياتي ولانك حبيبي ...
كلبك وياية ومو ويا اي شخص لاخ .. حاولت اكون قوية بوجه الناس وحاولت اواجه دنيتنة الغدارة بس مكدرت ..
بس من انت اجيت .. كدرت اوكف بوجه اي شي ... مااكدر اتخيل او افكر حياتي بدونك .. انت ماضيي وحاضري ومستقبلي ... واكولها ومخايفة من اي شي .. احبك
صوتك ... بعدني اسمعة من جنت تهمس بأذني ...
بعدني احس بلمستك بأحلامي ..
سامحني بضعفي بس ماعرف ليش .. بدونك صعب اعيش ...
لانو كل مرة تلمسني احس هذا الاحساس .. لان كل مرة تبوسني بيها احس نفسي اطير ..
مدتسمع كلبي يدك سريع ؟ اريد هاي اللحظة تستمر .. اريدك يمي ..
لانو كل مرة تلمسني احس بالثبات .. و كل مرة تبوسني احس انو السما قريبة عني ..
مدتسمع كلبي يدك ؟ مااكدر اعوفك .. اريدك يمي ...
كلبك هو قلعتي وقصري وبيتي ... حضنك دنيتي كلها ... همة يمحون كل دمعة تنزل من عيوني ..
بالحلوة والمرة جنت وياية .. وعدينة كل شي صعب وسهل .. اني وياك ... انت اللي لزمت ايدي .. وانت اللي وكفتني على رجلية .. وكومتني على حيلي .. انت سندي .. انت ظهري ... انت جنحي ... انت ستري .. وارجع واكول احبك ...
من جنت بطريقي الك .. امشي سريع .. والوجوه كدامي وبس ادور عليك .. وماعرف احدق بالناس حتى بلكي اشوفك مرة لخ .. لو ابقى محدقة بطريقي ... محتاجتك ... مشتاقتلك .. ودااتساءل وية نفسي ؟؟
اذا تشاوفنة مرة لخ ... اكدر اوكف الزمن ولو للحظات ؟؟ ..

دائما اتذكر ايامنة من سهرنة سوة وبجينة سوة وفرحنة سوة ولعبنة سوة وعشنة سوة .. وهم اتساءل اني وكلبي اذا انت هم تفكر بية ..
وبعدني محتاجتك .. وبعدني مشتاقتلك ... وبعدني بطريقي الك بالرغم من الحشود اللي بطريقي ..

ابواب السجن مدتنفتح الي .. بهاي ايدية ورجلية ازحف .. الله .. دااوصلك ...
واني مرعوبة من هاي الاربع حيطان .. وهاي المزاليج الحديدية مدتكدر تحتوي روحي لانها تريدك ..
وكل اللي اريدة واحتاجة هسة هو انت ...
تعال بسرعة داصيح بأسمك ... الله ... داصيح بأحلى اسم ... بسرعة تعاللي ..
راويني شلون الواحد يحس بأنو هو واكف وحدة ؟؟ متعرف لانك مدتعرف باللي اني بيه .. لانك بعيدن والكل سمعني الا انت ...
وعلمني الصح من الغلط واني رح اشوفك شلون اكون ..
وكولها الي ... ورح اعوف كل شي وراية ... كولها اذا اني اللي استحقها ....
ابواب الجنة مدتنفتح الي .. بهاي الاجنحة المكسورة دااوكع .. وكل اللي دا شوفة هو انت ...
الدنيا مرايدتني بس اني رايدتها لانك بيها بس منو اللي يسمعني ...
تعال .. بسرعة ... وينك ...
تعال حبيبي وينك ... مليت الانتظار بس هم رح انتظر ... شوكت تجيني واعيش مرة لخ .. لاني صدك ميتة
عايشة بنص الناس واني بداخلي وحيدة ... واكون بنص الفرحة بس دمعتي بعيني .. اني ميتة وانت اللي تكدر ترجعلي روحي .. بس لو كلبك يرجعلك وتجيني ... بس هم احبك ...

يسلموووووو رغودة على هذة التعابير الروعة عااااااشت الاياااااادي تقبلي مروري المتواضع
omar_aljanabi40@yahoo.com