من انا؟

بهالوقت ... بهالمكان ... اسأت الك .. وهذا غلطي
خليتك تنتظر هواية .. ويمكن فات الاوان .. منو اني حتى اخليك هالكد تنتظر؟
بس فرصة وحدة .. ومرح يكون غير بس اخر شهيق .. وافارك الدنيا ..
احجيلك وروحي دة تطلع مني .. ولو انت الروح والرية ... وفرحانة لانو شفتك قبل ماموت .. ونفترك للابد
بس حبي الك رح يدوم الى بعد الابدية .. لانو ... احبك ... حبيتك كل هالمدة
واشتاقلك حتى لو يمي .. وانت بعيد عني هم اشتاقلك
جان يراودني حلم ... انو اني وياك .. مرح نفترك .. بس الموت .. جان اقرب من اي شي
خليك وياية بس بهالكم لحظة .. لانو بس تبعد عني بعد تصير نهايتي واروح لعالم ثاني ...
اتوسل بيك .. ولو اخر كلمة حب تكولها .. لانو من اني وياك احس نفسي ضعيفة بس من تكول اي كلمة حب احسها تزودني بقوة اكثر .. رح اسوي اللي اكدر عليه واحاول اتماسك بروحي حتى لتطلع مني واعيش وياك جم لحظة .. احلى لحظة .. بقربك مني وبقربي منك .. رح انطي .. انطي كل شي حتى روحي ولو بس اعيش وياك .. لحظة وحدة من لحظات الحب اللي عشناها قبل
رح انطي كل شي بس مااستسلم .. لاني احبك
اني ردتك تبقى .. لاني ردتك تكولها .. ردت اسمعك تكولها ... "احبج .. حبيتج كال كل هالمدة .. واشتاقلج .. حتى لو انتي يمي .. وحتى لو بعيدة عني هم مشتاقلج .. فة ابقي وياية .. واتنفسي لاني مرح اعوفج مرة لخ .. صدكي هذا الشي .. الزمي ايدي وبعد لتعوفيني ابد" .... واني رح اكول كلمة احبك لانو هواية تعبر عن هواية اشياء بداخلي .. اولها حبك واخرها عشقك .. وبالنص حنانك .. احبك .. احبك .. احبك
"انت مني ... انت اني" واحبك وشكد ماكولها ماملها وشكد مااحب بيك مامل منك .. لانك حبيبي و "جزء مني" .... احبك



the hardest thing to do is being next to someone u know that u can't have