اليوم الا ابجيكم

الســلام عليكم ورحمه الله وبركاته ..السلام عليك يا وطن السلام [center]
السلام عليكِ يا ذكريات الزمـن الجميل
وعلى أحلى عراقيــن

اليوم كّلت خلي ابجي الطالعين برة شويه هع
يلة روحو جيبو كلينس قبل لتشوفون الصور
تحسبا لاي وضع طارئ


يله شوفوا

¤!||!¤¤!||!¤

أيــام الشته ما تنسي .وخصوصاً من نكون مگرفعين من البرد وملتفين بالبطانيه وكلها گاعده على الزوليه
وأحلى فقره من نحط الكتلي على الصوبه




والخبز الحار بس يعجبك تاكله

ونجي على العيــد
وكليجه أم التمر بالسمسم
والله العيد من غير الكليجه مو عيد




ووره الغده ماكو أحلى من استكان الجاي أبو الهيل
يعدل الدماااااااااااااااااغ



وفي أيام الصيف المشمسه والكهرباء مطفيه
وأبو المولده مخلص كاز
وگلبك محروگ على الكبد
ماكو أطيب من الرگي ينزل على گلبك مثل الثلج



ونومة الضهر ما تحله أله على الهوه المبرده

واللبلبي وما أدراك ما اللبلبي
احلى لحظات من تكون ميت من الجوع وهستوك طالع من المدرسه وشفت ابو لبلبي وكتل عليه مثل الذبان بحيث بودك تسوي تفجير انتحاري




ليــل بغداد .. أجمل لوحة
سبحان الي صورها
الي يشوفها يگول لا فيگاس براس السنه اي والله
ومثل ما يگول السياب
الشمس أجمل في بلادي من سواها ..والظلام حتى الظلام أجمل
فهو يحتضن العراق