كلمات حسام الرسام

فلفولة البصرة السبت مايو 09, 2009 7:45 am

مدري شبية يا ربي

مدري شبيه يا ربي ... لمن فاركت حبي ... حسيت الشمس غابت ... حسيته وكف كلبي

مدري شبيه يا ربي ... لمن فاركت حبي ... حسيت الشمس غابت ... حسيته انشلع كلبي

مدري شبيه فهموني ... بعد ما اشوف بعيوني ... طريقي وين دلوني ... رجعوني على حبيبي
مدري شبيه فهموني ... بعد ما اشوف بعيوني ... طريقي وين دلوني ... رجعوني على حبيبي

مدري شبيه يا ربي ... لمن فاركت حبي ... حسيت الشمس غابت ... حسيته وكف كلبي
مدري شبيه يا ربي ... لمن فاركت حبي ... حسيت الشمس غابت ... حسيته وكف كلبي

بعد عطره على ثيابي ... واحس ايده تدك بابي ... انا الغلطان يا صحابي ... ضيعته الذنب ذنبي
بعد عطره على ثيابي ... واحس ايده تدك بابي ... انا الغلطان يا صحابي ... انا ضيعته الذنب ذنبي

مدري شبيه يا ربي ... لمن فاركت حبي ... حسيت الشمس غابت ... حسيته انشلع كلبي
مدري شبيه يا ربي ... لمن فاركت حبي ... حسيت الشمس غابت ... حسيته انشلع كلبي

احس كلبي ابتعد عني ... طريقي ما يطاوعني ... على كل خطوه بغيابك ... يا عمري ترجعلي
احس كلبي ابتعد عني ... طريقي ما يطاوعني ... على كل لحظه بغيابك ... يا عمري ترجعلي

***********************

اسير الروح

نساني نساني اللي سكن كلبي اسير الروح يا يابه شسولف اني شرد احجي مو شفت الويل بغيابه

نساني اللي سكن كلبي ... اسير الروح يا يابه :: شسولف اني شرد احجي ... مو شفت الويل بغيابه

نساني اللي سكن كلبي ... اسير الروح يا يابه :: شسولف اني شرد احجي ... مو شفت الويل بغيابه

ابوس أيدك :: تعال تعال ارجع ... حزينه العين :: وك بس تدمعابوس ايدك :: تعال تعال ارجع ... حزينه العين :: بس تدمع

اسألك يا بعد عمري وك هجرك شنو اسبابه ... اظل ابجي عليك وادمع واكولن اوف يا يابه

شته وليل وسمه مغيمه :: وحبيبي عافني لوحدي ... واحس دموعي بغيابه :: مطر نازل على خدي
شته وليل وسمه مغيمه :: وحبيبي عافني لوحدي ... واحس دموعي بغيابه :: مطر نازل على خدي

يا بعد الروح اروح وياك ... اذا تنساني ما انساك
يا بعد الروح اروح وياك ... اذا تنساني ما انساك

اسألك يا بعد روحي وك هجرك شنو اسبابه ... اظل ابجي عليك وادمع واكولن اووووف يا يابه يا يابه

انا ودموعي نتذكر :: جرحنه بلحظه فراكك ... ونسأل هم بعد نجع :: مثل ما جنا نتلاكه
انا ودموعي نتذكر :: جرحنه بلحظه فراكك ... ونسأل هم بعد نجع :: مثل ما جنا نتلاكه

تعال ارجع على احبابك ... اخاف انموت انموت بغيابك
تعال ارجع على احبابك ... اخاف انموت انموت بغيابك

اسألك يا بعد روحي وك هجرك شنو اسبابه ... اظل ابجي عليك وادمع واكولن اووووف اوف يا يابه

************************

لو رايد تنساني

لو رايد تنساني انساني وحبلك واحد ثاني ... انا ارتاح وانت ارتاح ليش نظل نعانيلو رايد تنساني انساني وحبلك واحد ثاني ... انا ارتاح وانت ارتاح ليش نظل نعاني
لا تسكت حاجيني لا تخليني بويل حرام اسهر ليلي
وانت تنام وتغمض عينك وانا اسهر باحزاني

لو رايد تنساني انساني وحبلك واحد ثاني ... انا ارتاح وانت ارتاح ليش نظل نعاني

شلون وياك شلون بحالي ضيعت الاول والتالي لو رايد وبنيتك تنسى الاول ناتجته البادي
شلون وياك شلون بحالي ضيعت الاول والتالي لو رايد وبنيتك تنسى الاول ناتجته البادي

وسلمت امري وبين ايدك عمري معقوله ما تدري
وانت تنام وتغمض عينك وانا اسهر باحزاني

لو رايد تنساني انساني وحبلك واحد ثاني ... انا ارتاح وانت ارتاح ليش نظل نعاني

مليت انت ورايد ترحل لو رايد بس حجه وتزعل احجي وكول انت اللي ابالك لا تخليني اتوسل
مليت انت ورايد ترحل لو رايد بس حجه وتزعل احجي وكول انت اللي ابالك لا تخليني اتوسل

بناري مخليني والدمعات بعيني بعيني ماكو اللي يواسيني
وانت تنام وتغمض عينك وانا اسهر باحزاني يا ويلي

لو رايد تنساني انساني وحبلك واحد ثاني ... انا ارتاح وانت ارتاح ليش نظل نعاني

لا تسكت احجيلي لا تخليني بويل حرام اسهر ليلي

وانت تنام وسغمض عينك وانا اسهر باحزاني

**************************

ثكَلك يا الاسمر

وثكَلك يا الاسمر بس علينه بس علينه ... نار تصير لو يمك اجينه يبه اجينه

ويانا تغير كل الاطباع ويا الناس تحجي اشكال وانواع
احنه نغث جنابك لو حجينه لو حجينه

وثكَلك يا الاسمر بس علينه بس علينه ... نار تصير لو يمك اجينه يبه اجينه

احنه شبينه عمي ما نعجبك هم مثلك بشر خالقنه ربك

صدكَني الثكَل باجر يتعبك ما نرحمك اذا توكَع بيدينه يبه بيدينه

وثكَلك يا الاسمر بس علينه بس علينه ... نار تصير لو يمك اجينه يبه اجينه

نشوفك تحجي ويا الناس صوبين بس احنه علينه تغمض العين

طلع كلبك تره يشتغل خطين خفيف لغيرنه وثكَلك علينه يبه علينه

وثكَلك يا الاسمر بس علينه بس علينه ... نار تصير لو يمك اجينه يبه اجينه

ويانا تغير كل الاطباع ويا الناس تحجي اشكال وانواع
احنه نغث جنابك لو حجينه لو حجينه

وثكَلك يا الاسمر بس علينه بس علينه ... نار تصير لو يمك اجينه يبه اجينه

**************************

حبيبة كَلبي

يا عالم لا تبعدوهه حبيبة كَلبي خلوهه

يا عالم لا تبعدوهه حبيبة كَلبي خلوهه

منو يحبهه مثل حبي لا امهه ولا ابوهه

يا عالم لا تبعدوهه

أي من تمشي غزالة تمر حسنهه يفطر المرمر
أي من تمشي غزالة تمر سحرهه يفطر المرمر

شفايفهه عسل يا ناس مثلهه وين تلكوهه
يا عالم لا تبعدوهه

وصفهه محد يوصفه شربهه للمرض وصفه
واذا انتم ما تصدكَوني تعالوا بعيني شوفوهه
حبيبة كَلبي خلوهه يا عالم لا تبعدوهه

******************

افكر بيك

من الصبح لليل افكر آني بيكعمري انت و روحي صارت بين اديكما كذبت بحرف كلتهانته روحي و كلبي انتهالله ياخذني اذا اكذب عليكما كلت كلمة احبكو ما طلع من كلبي صوتمني اذا غيرك سمعههان شا الله يا ربي اموت
انت بس حبي الوحيد
ببيش احلفلك تريد
الله ياخذني اذا اكذب عليك
عمري انت و روحي صارت بين اديكصدك و داعة عيونكمني ما نزلت الدمعةو ما رجف كلبي حبيبيالا من اسمك اسمعهو ساعة العني تغيبالدنيا تظلم يالحبيبالله ياخذني اذا اكذب عليكعمري انت و روحي صارت بين اديك

******************

تجي نتزوج بالسر

تجي نتزوج بالسر ... اهلك واهلي ميفيدون
تجي نتزوج بالسر ... اهلك واهلي خليولون
تجي ناخذ بيت بعيد ... ونخلف بيبي صغيرون

تجي نتزوج بالسر ... اهلك واهلي خليولون

تجي ناخذ بيت بعيد ... ونخلف بيبيصغيرون

**************

كافي ارهاب

يا شعب العراق شوكت نرتاح وننسى المأآسي
والله مشتاك اني للعراق ومشتاك لاعز ناسي
ما اظن يجي اليوم اللي بي نرتاح لان الناس التهوا بس بالكراسي
والشعب بالظيم عايش يا عراق جوع وفقر ومأآسي
هذا اللي يموت وهذا اللي يعزي وذاك اللي يواسي
والزمن ما يرحم يا عراق الزمن لعين وقاسي
والعراق المسكين ساكت طول السنين يكول اخاف احجي ويكصون راسي

والله حته اللي يذبح طير ويتعمد في كل تقصير
حته اللي يمشي بعكس السير هذا ارهاب وعنف وقسوه

الله اكبر الله اكبر كل يوم شكد تسيل دموع تروح بيهه ناس ابرياء
شنو لعنة بشر لو لعنة سماء من تمطر بالعراق بس تمطر دماء
والشعب صابر على الجوع ويكابر كبرياء

هذا الوطن يريد افراح صار اجم سنه ما مرتاح البارود انبدله بقداح
كافي ارهاب وعنف وقسوه

جنه نسمع بالشهر يوميه واحد يموت هسه نسمع يوميه مئات الاسماء
ما عاش اللي يأذي شعب العراق وينتقم من ناسه البسطاء
بس القوي اكو اقوى منه ويبقه الله الجبير وينطر للناس الابرياء

كافي ارهاب وعنف وقسوه كل خطأ بهالعالم قسوه
اللي ميحب الناس وما يهوى هذا ارهاب وعنف وقسوه
اللي ما يعرف اسباب جروحه ويمه اطفال يفجر روحه يقتل لعابه ومرجوحه
هذا ارهاب وعنف وقسوه

*********************

امي

لا يظل بالج علي ... يمه لا تفكرين بيه
لا يظل بالج علي ... يمه لا تفكرين بيه

المهم انتوا شلونكم ... مشتاك اشوف عيونكم
المهم اخوتي شلونهم ... مشتاق اشوف عيونهم

ألم اتحمل ألم ... الألم مخلوق اليه

يمه بالله شلونه ابويه ... ذاك ابو الكلب الحنين
هم بعد يمشي على طوله لو حنت ظهره السنين

صارلي هوايا مشفته ... بشريني شلون صحته
ادري ما يضعف هذا ابو النفس القويه

اتعودت على الغربه يمه ... والزمن عاندته كوه
والسنين الضيعتهن تروحلج يا يمه فدوه

ليلي اسهر ما انامه ... المهم انتوا بسلامه
ليلي اسهر ما انامه ... المهم اهلي بسلامه

يمه ما ارجع بعد ... وانتوا لا تفكرون بيه

**omar aljanabi** الخميس سبتمبر 03, 2009 7:49 am

يسلموووووووووووووووووووووووووووووووووووووووووووو على هذا الموضوع الاكثر من رئع واكيد تعبتي بي وبنضر هذا احسن موضوع عاااااااااااااااااااشت الايااااااااااااااااااااااااادي تقبلي مروري المتواضع عمر الجنابي
omar_aljanabi40@yahoo.com

كلمات حسام الرسام

شنو رائيك باصوت الفنان حسام الرسام ؟

كلمات حسام الرسام

رد: كلمات حسام الرسام